Vitia: Janë marrë të gjitha masat për të përballuar çdo situatë lidhur me virusin HMPV

14:02 | 8 Janar 2025
E.K

Ministri i Shëndëtësisë, Arben Vitia, në një konferencë ka bërë të ditur se deri tani në Kosovë nuk është paraqitur asnjë rast me virusin HMPV.

Ai ka theksuar se janë marrë të gjitha masat në rast nevoje për të përballuar çdo situatë rreth këtij virusi, raporton Arbresh.info

Vitia ka thënë se nuk duhet të ketë panik te qytetarët për këtë sëmundje.

“Nuk kemi akoma rast me HMPV. Nga IKSHPK-ja janë në kontakte të vazhdueshme me të gjitha mekanizmat më adekuat që ekzistojnë për këtë problem dhe jemi në kontakt me OBSH dhe çdo institucion tjerët. Në momentin e parë që paraqitet një rast menjëherë merren masat me rekomandimet e IKSHPK-së. Asnjë lloj panike nuk ka për qytetarët. IKSHPK dhe SHSKUK veç kanë filluar masat dhe përgatitjet. Nëse do të kishte arsye për panik, ne do të kishim dalë me informata, nuk ka asnjë arsye për të pasur panik për këtë,” ka thënë ai./Arbresh.info